One Billion Rising, inilunsad sa UPLB

NI GUIEN GARMA

Abante, babae!

Kasabay ng indak at sayawan, iyan ang sigaw ng mga nakiisa sa One Billion Rising (OBN) na inilunsad sa UPLB Freedom Park grounds ngayong gabi, Pebrero 12.

Iba’t-ibang mga organisasyon, kabilang na ang mga partido pulitikal na Samahan ng Kabataan Para sa Bayan (SAKBAYAN), Buklod-UPLB, at Movement of Students for Progressive Leadership in UP, ang nakisabay sa pag-indak upang ipaglaban ang karapatan ng mga kababaihan sa buong bansa at sa buong mundo.

Isa muling sabayang pagkilos ang gaganapin sa Biyernes sa Feb Fair ground bilang bahagi pa rin ng OBR.

Ang One Billion Rising ay isang kilusang inilunsad noong Pebrero 14, 2013. “It is a call to survivors to break the silence and release their stories – politically, spiritually, outrageously – through art, dance, marches, ritual, song, spoken word, testimonies and whatever way feels right,” anang kanilang website.