One Billion Rising For Justice, muling isinagawa sa UPLB Feb Fair

NI GUIEN GARMA

[UPDATED: 12:40am, February 15] Kung noong Miyerkules ay sa harap ng DL Umali Hall nag-indakan, ngayong Biyernes ng gabi, sa mismong Feb Fair grounds nagsayawan ang komunidad ng UPLB para sa taunang One Billion Rising for Justice.

Bago umindak ang mga kalahok sa kantang “Isang Bilyong Babae ang Babangon,” rumampa muna ang ilang mga miyembro ng mga organisasyong nag-organisa ng OBR nang may hawak na mga placard upang ipahayag ang kanilang mga isinusulong, kabilang ang pagbuwag sa lahat ng uri ng pork barrel, karapatan sa edukasyon, at pamamahagi ng lupa.

Ang naturang programa ay inilunsad ng Gabriela Youth-UPLB at Samahan ng Kabataan Para sa Bayan (SAKBAYAN).

Nagsimula noong 2013, ang One Billion Rising ay isinasagawa tuwing Pebrero 14 upang ipaglaban ang karapatan ng mga kababaihan sa buong kapuluan at sa buong mundo. [P]